കയ്യൊപ്പ്

ബാക്കിയാക്കേണ്ടത്..?

2012-02-13T12:06:00.001-08:00

ഞാനും ഇടവഴിയിലെവിടെയോ
അവസാനിക്കേണ്ടവൻ .
നടവഴിയിലെന്തെങ്കിലും ബാക്കിയാക്കാതെ-
പിന്നിലുള്ളവർ എന്തു വിചാരിക്കുമെന്ന്
വിചാരിക്കുന്നവൻ.

പാടവും തോപ്പും പണയം കൊടുത്താധാരത്തിന്റെ
കോപ്പിയും പോക്കറ്റിലിട്ട്-
ഒരു കയറിൽ തൂങ്ങാൻ ഒരുമ്പെടുമ്പോൾ .
കയറും കൂടെ വെട്ടിപ്പിടിക്കാൻ ആർത്തികാട്ടുന്നവർക്ക്
ഞാൻ എന്തു ബാക്കിയാക്കും..?

അണ പൊട്ടി ഒരു പ്രളയം കാത്തിരിക്കുന്നവൻ
പൊട്ടിയൊലിക്കുന്ന തടയണയുടെ . കെട്ടുകല്ലുകൾ
പെറുക്കിയെടുത്ത് വീടൂപണിയുടെ കാശുലാഭിക്കനൊരുക്കം
കൂട്ടൂമ്പോൾ. .
ഞാൻ ബാക്കിനിർത്താനുദ്ദേശിച്ച ചിന്തയും
വികാരവും എന്നെ നോക്കി കൊഞ്ഞണം കുത്തുന്നു.

നിലവിളികൾ സുന്ദരമാവുമ്പോൾ

2012-02-13T12:02:00.000-08:00

നിലവിളികൾ എത്രയോ സുന്ദരമാണ്.
ഉള്ളിന്റെ ഉള്ളിൽ നീറ്റുന്ന വേദനയുടെ
പാരമ്മ്യത്തിൽ ജന്മ്മെടുക്കുന്ന നിലവിളികൾ

മരണത്തിന്റെ നിലവിളികൾക്ക് എന്തൊരു സംഗീതാത്മകത.
ഉച്ചസ്ഥായിയിൽ കയറി പിന്നെ താഴേയ്ക്കു വന്ന്,
നിശബ്ദ്ധമായി ..പിന്നെയും കുതിച്ചുയർന്ന് അങ്ങിനെ .

കൈ മുറിഞ്ഞാലുള്ള ശൂ...ആ‍..
കാലൊടിഞ്ഞാലുള്ള അയ്യോ....ആ.
തല പൊട്ടിയാലുള്ള എന്റമ്മേ.....
ഇതിനെല്ലാം മേലെയാണു ഹൃദയം പൊട്ടിയ
ഹ്ര് റാറാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ.

സൌന്ദര്യപ്പിണക്കത്തിൽ അവൾ കിടക്കപ്പായയിൽ
പട്ടിയെപ്പോലെ ആകുന്നു.
വാങ്ങിക്കൊടുക്കാത്ത നോട്ടു ബുക്കിൽ മനംകൊടുത്ത്
കൊച്ചു മകൻ ഉമ്മറത്ത് മൂക്കള വലിക്കുന്നു
അരിവെച്ചിട്ടും ഒരു കറിവെക്കാനാവാത്തതിനു
അച്ഛമ്മ അടുക്കളയിൽ.. പ് ഹു ഫൂ ഫൂ ..

ഒരു ബൈക്ക് യാത്രക്കാരന്റെ നിലവിളി .
എത്ര പെട്ടെന്നാണവസാനിക്കുന്നത്.
മുന്നിലിരുന്നവൻ അൽ‌പ്പം കൂടെ അധികം
നിലവിളിച്ചേക്കം ഇടയ്ക്ക് പിന്നിലുള്ളവന്റെ
മരണത്തെ ഓർത്ത്.. ഒരു സുന്ദരൻ നിലവിളി.

ഒടുക്കം എത്രയും വൃത്തികെട്ട ഒരു നിലവിളി
ലേബർ റൂമിന്റെ പടിവാതിൽക്കൽ നിന്നും
ആരൊക്കെയോ കത്തിരുന്ന നിലവിളി.
നോമ്പു നോറ്റിരുന്ന നിലവിളി.

അവനറിയുന്നേ ഇല്ല ഇനിയെത്ര നിലവിളികൾ
ഇനിയെത്ര തേങ്ങലു മോങ്ങല് ചീറ്റല്!!! .
നിലവിളികളെ സുന്ദരമാക്കാൻ
നീയും പഠിക്കേണ്ടിയിരിക്കുന്നു.

വിശപ്പ്

2011-07-19T23:24:00.000-07:00

ഞാനെന്നെ തന്നെ വിഴുങ്ങി വിഴുങ്ങി

വാൽ കഷ്ണത്തോടടുത്തപ്പോഴാണ്

തലവിഴുങ്ങിയില്ലല്ലോ എന്നു കൺഫ്യൂഷനിലായത്

കഴുത്തു വിഴുങ്ങിതുടങ്ങിയപ്പോൾ

കണ്ടും, വായിച്ചു, സ്വയംഭോഗിച്ചും വിഴുങ്ങി.

മാറിലെത്തിയപ്പോൾ മൃദുലതയിലാവേശിക്കാൻ

ക്യാമ്പസ്സിൽ, ബസ്സിൽ,തിരക്കിന്റെ ഇടവഴികളിൽ

നടന്നു നടന്നു വിഴുങ്ങി.

വയറീൽ കയറി നിന്ന സാരിതുമ്പൊന്നകലാൻ

കൈവിരലു കൊണ്ടൊരു കപ്പലോട്ടം നടത്താൻ

പൊക്കിൾ ചുഴിയിൽ നങ്കൂരമിട്ട് കൊണ്ട്

അതി വേഗം വിഴുങ്ങി

അരയിലൊരരഞ്ഞാണ ഭാഗം വിഴുങ്ങി

അവസാന ശ്വാസമെത്തിയവളെ വിഴുങ്ങി.

വീണ്ടും വീണ്ടും വിഴുങ്ങി

വിശപ്പടങ്ങാതെ മാധ്യമ വായകൾ .

ലിംഗം വിഴുങ്ങിയത് രാത്രിയുടെ

റെയിൽ വേ സ്റ്റേഷനുകളിൽ, ലോഡ്ജുകളിൽ,

സിനിമാകൊട്ടകകളിൽ, തെരുവിന്റെ-

ഉറക്കപ്പായകളിലും, നടന്ന് വളരെ കഷ്ടപ്പെട്ടായിരുന്നു.

ഒടുക്കം വാലായി മാറിയ കാലും വിഴുങ്ങി

കോടതി മുറിയിലാപ്പെണ്ണിന്റെ കണ്ണുനീരും വിഴുങ്ങി.

അപ്പൊഴും തല വിഴുങ്ങിയില്ലല്ലോ എന്ന നിരാശയിൽ

വിശപ്പിന്റെ വിളിയിൽ ഭക്ഷണം തേടിക്കൊണ്ടേ ഇരുന്നു.

നിശ്ചലമാകപ്പെടാവുന്നത്

2011-07-04T13:33:00.000-07:00

നിശ്ചലമാകുന്നതെന്താണെന്നു
അനിശ്ചിതത്ത്വത്തിലായ മനസ്സ്
സൂചിതുളയിലൂടെ കുത്തിക്കയറ്റിയ
കമ്പക്കയർ. അതിങ്ങനെ..?
എങ്ങിനെയും, ആകാം..!

നഷ്ടപ്പെടുത്തലിന്റെ തളർച്ചപ്പാടുകൾ
എംബോസ് ചെയ്യപ്പെട്ടു കിടക്കുന്ന
മോണിറ്ററിൽ . പിന്നെയും പിന്നെയും
നിശ്ചലമായത്.

സ്വീറ്റ് ബോക്സിലെ ചിത്രക്കടലാസിൽ
നിശ്ചലമായി ചലിച്ച ഒരു മധുരം.
അതു പിന്നെയും പിന്നെയും എന്റെ
ഋജുചിന്തകളെ വക്രീകരിക്കുന്നു.

ആത്മ സമർപ്പണത്തിന്റെ ആദ്യ നിമിഷത്തിൽ
ആലോചനകളില്ലതെ പോയതെന്തേ
ആകുലതകളൂടെ ആൾമറയെങ്കിലും
ആകാമായിരുന്നു . വെറും തോന്നൽ.

നിശ്ചലമായിക്കൊണ്ടിരിക്കുന്ന ഹൃദയമിഡിപ്പിൽ
നിശ്ചയിക്കാതെ പോയൊരു പ്രണയം
മരിക്കും .
മരിക്കപ്പെട്ട പ്രണയത്തിന്റ് ശവവണ്ടിയും താങ്ങി
മറ്റൊരു പ്രണയം നിശ്ചയിക്കപ്പെടൂം,
എവിടെയും നിശ്ചലമാകപ്പെടാവുനന്ത്.

Google

2011-05-22T15:38:00.000-07:00

Google

ആകാശത്തിനുമപ്പുറം .

2011-05-17T01:43:00.000-07:00

എനിക്കു മുന്നിൽ മറച്ചു പിടിച്ച്
ആകാശമേ എന്തിനെന്റെ കാഴ്ചമുടക്കുന്നു
എന്റെ അകലങ്ങൾ . ..?

അടുത്തുള്ളതിനെ മടുത്ത് കഴിയുമ്പോ ..!!
ഞാൻ എന്തു ചെയ്യും ..?
അകലെയാണെല്ലാം എന്നു
എത്രകാലം പറയും..?

പുകിലുകണ്ട്, പുകമറകൾക്കു മീതെ
ഒരിരിപ്പിടം എനിക്കൊരുക്കാൻ
സമൂഹ ശവം കരിച്ച ചിതയുടെ കൊള്ളികൾക്ക്
കൈക്കൂലി കൊടുത്തത് വെറുതെയായോ..?

നിന്നെ കണ്ടു മടുത്തിരിക്കുന്നു
ഇനി നിന്നപ്പുറം പരന്ന നീലയിൽ
നിന്റെ രൂപം ഏതാണ്ണ്..?

ഒരു വേളയിരുട്ടും മുന്നേ ഞാൻ വരും
ഒരു ചൂട്ടു വെളിച്ചത്തിൽ
ഒരു പുകച്ചുരുളിൽ മുകളിലേറി. ..
നിന്നെ മാത്രം കാണാൻ .
ഇല്ലെന്നോ ഉണ്ടെന്നോ പറയുന്ന .. നിന്നിലേക്ക്

പാലം

2011-02-22T23:59:00.000-08:00

ഞാനും നീയും രണ്ടു പാലങ്ങൾ ആണെങ്കിൽ
നമ്മളിലൂടെ നടന്നു പോകുന്നത്
അസൂയയും, ശത്രുതയും മാത്രം.

സ്നേഹത്തിന്റെ ഉല്ലാസ നൌകകൾ
താഴേ ഓളപ്പരപ്പിലൂടെ മെല്ലെ നീങ്ങുമ്പോഴും
അതിനും മീതെയാണു നീയും ഞാനും
എന്നഹങ്കരിച്ചു.

വെറുപ്പിന്റെ ചങ്ങലകൾ നിനക്കും എനിക്കും
കൈവരികളായി
ഒരിക്കിലും കൂട്ടിയടിക്കില്ലെന്ന
സമാന്ത സ്ഥാനം പേടിയകറ്റി.

പക്ഷെ നീയും ഞാനും ഒരു പാലമാകുന്നേടത്ത്
പാലം എന്നത് യാഥാർത്ഥ്യമാവുന്നു .

വസന്തം

2011-02-03T15:06:00.001-08:00

വിരഹത്തിന്റെ മരപ്പലകമേൽ
എന്നെ ആണിയടിച്ചു തൂക്കി
നീ പാപികളെ കല്ലെറിയാൻ പോയി .

പ്രണയത്തിന്റെ വസന്താരാമം കാണിച്ചുതരാമെന്നായിരുന്നു
അന്നു നീ പറഞ്ഞത് .
ഓരോ ഋതുക്കൾ പോലെ നീ മാറുമ്പോഴും
എന്നും വസന്തമായിരുന്നു എന്നിൽ

ഇലകൾ ഓരോന്നായി കൊഴിയുമ്പോഴും,
പൂക്കൾ ഓരോന്നായി വാടുമ്പോഴും,
എന്നിലെ പ്രതീക്ഷയായിരുന്നു നീ..

ഒടുവിലേതോ ഗ്രീഷ്മത്തിന്റെ ചൂളയിൽ നീ എന്നെ
ചുട്ടെടുത്തപ്പൊഴും
എന്റെ ചാരത്തിനു പോലും പൂക്കളുടെ ഗന്ധം .

അപ്പൊഴും വീണ്ടും വരാനിരിക്കുന്ന വസന്തത്തിനെ
കൊലപാതകം ചെയ്ത് പാപിയാകാനുള്ള
തയ്യാറെടുപ്പിലായിരുന്നു നീ.

ഡ്രീംസ്

2010-09-26T22:36:00.000-07:00

ഞാൻ നക്ഷത്രങ്ങളെ സ്വപ്നം കണ്ടു
നക്ഷത്രങ്ങൾ എന്തായിരിക്കും സ്വപ്നം കാണുക ..?
താഴെ കത്തി നിൽക്കുന്ന ഭൂമിയിലേക്ക് ഇറങ്ങിച്ചെന്ന്
കേരളം കാണണമെന്നോ...!!!!!!
പഞ്ചായത്തു തിരഞ്ഞെടുപ്പിൽ മത്സരിക്കണമെന്നോ...?

അതോ ഒരു വോട്ടു ചെയ്യണമെന്നോ...?
അതോ ഒരിക്കിലും മത്സരിക്കാനാവാത്തവിധം നക്ഷത്രം
വധിക്കപ്പെടുമെന്നോ...?
അതെ നക്ഷത്രം സ്വപ്നം കാണുന്നത് മരണത്തെയാണ് !!!.
കൈ നീട്ടിപ്പിടിച്ച മരണത്തെ........!!!!!!

പ്രിയ സുഹൃത്തിന്.

2010-07-18T06:43:00.000-07:00

       പ്രിയ സുഹൃത്തിന്.
...........................................................

    അപരിചിതമായ മുഖമണെനിക്കന്നു നീ

    അകലെ എവിടെയോ കണ്ട ഓർമ്മ മാത്രമാണു നീ

    ആദ്യ നോട്ടത്തിൽ പുഞ്ചിരി കൊണ്ടു നീ എന്റെ

    ആത്മ സൌഹൃദം പങ്കിട്ടെടുത്തു

    വിറയാർന്ന കൈകളാൽ സുഹൃത്തെ

    എഴുതട്ടെ ഞാൻ നിന്നോർമ്മ കുറിപ്പുകൾ

    നിനക്കായ് ഓർമ്മക്കുറിപ്പുകൾ.

    ജീവ ചക്രത്തിൽ സുഖം മരിച്ചീടവെ

    ദുഖം പിറക്കുന്ന ശോകയാമത്തിൽ

    ഒരു വിമാന ചിറകിൽ കൈ കോർത്ത്

    നാം ഇക്കരെ എത്തി

    പ്രിയമുള്ളതെല്ലാം അറുത്തു മാറ്റി

    ഈ ചുടു സന്ന്യാസ ഭൂവിൽ

    കനൽ കൊള്ളാൻ തുടങ്ങവെ

    അല്പ സ്വാന്ത്വന മാശ്വാസ വാക്കുമായി

    നീ പകർന്ന ധൈര്യവും സ്നേഹവും

    അതൊന്നു മാത്രമാണീ മണലിലിന്നു ഞാൻ

    ജീവിച്ചു തീർക്കുന്നിതോരോ നിമിഷവും

    ആത്മ സംഘർഷങ്ങളണപൊട്ടിടുമ്പോഴും

     ഒരു മുറിയിലൊന്നായി നമ്മളെ തളച്ചതും

    ഇരു പാത്രമില്ലാതെ ഒന്നായുണ്ടുറങ്ങിയും

    ഒരു സൌഹൃദ ഗാഥ രചിച്ചു നാം.

    പ്രിയമുള്ളതെല്ലാം വെടിഞ്ഞീമരുക്കാട്ടിൽ

    വനവാസ കാലം തുടരവെ

    ദുഖ:ങ്ങളെല്ലാം പങ്കിട്ടെടുത്തു നാം

    സ്വപ്നങ്ങളെല്ലാം പങ്കിട്ടെടുത്തു നാം

     നഷ്ടമായൊരച്ച്ഛനെ അമ്മയെ

    ഇഷ്ടമായൊരു നാടിനെ നാട്ടാരെ

    ഓർത്തു വിലപിച്ച നാളു മരിച്ചു പോയ്

    നീഅടുത്തിരുന്നോരോന്നു ചൊല്ലുമ്പോൾ

    ആടിയും പാടിയും ആഘോഷമായി നാം

    ഈ പ്രവാസം സ്വർഗ്ഗമാക്കിയ നാൾ മുതൽ

    എന്തെന്തു കാര്യങ്ങൾ എത്ര വിശേഷങ്ങൾ

    ഓന്നായ് വളർത്തിനാം.

    അന്നൊരു രാത്രിയിൽ നിലാവിന്റെ താഴത്ത്

    ചെങ്കടൽ കറ്റേറ്റിരിക്കുന്ന നേരത്ത്

    ആദ്യ പ്രണയത്തിൻ പുസ്തകം നീ തുറന്നതും

    ആത്മ രാഗത്തിന്റെ ഗീതം പൊഴിച്ചതും

    അവളെയല്ലാതെ മറ്റൊരു ജീവനെൻ

    ഉടലിലില്ലെന്നു നീ തീർത്തു പറഞ്ഞതും.

    നിന്റെ അനുരാഗ രഹസ്യ ചെപ്പു നീ

    തെല്ലു മടിയാതെനിക്കായ് തുറക്കുമ്പോൾ

    ആത്മബന്ധത്തിന്റെ ആഴമറിഞ്ഞു ഞാൻ

    സ്വർഗ്ഗ സന്തോഷ ചിത്തനായ് നിൽക്കവെ

    എന്നോ കിട്ടിയോരിടവേളയിൽ നീ നിന്റെ

    പ്രണയ മുത്തിന്നു വരണ മാല്യം കൊടുത്തനാൾ

    നിന്റെ ജീവന്റെ പാതി നീ സ്വന്തമാക്കിയ നാൾ

    നിനക്കാശംസ ഞാൻ ചൊരിഞ്ഞ നാൾ

    ഓർത്തു പോകുന്നു പ്രിയാ.. മംഗളാശംസകൾ.

    തുച്ച്ഛമാം ഇടവേള കഴിഞ്ഞൂ നീ

    അവളെയും വേർപിരിഞ്ഞിങ്ങോട്ടു പോന്നനാൾ

    വിരഹ ദുഖത്താലെരിഞ്ഞൂ നീ ഒരു ചെറു

    വെയിലേറ്റു വാടിയ ചെമ്പനീരാകവെ

    മാമക ചില്ലയിൽ കൂടൊരുക്കിയോരോമൽ കിളിയെ

    ഓർത്തു നീകരഞ്ഞീടവെ .

    നിന്നിൽ പ്രണയം മാത്രമാണന്നു ഞാൻ കണ്ടതും

    വായിച്ചെടുത്തതും

     അവളെയും പിരിഞ്ഞീ മണലിൽ നാലുനാൾ കഴിഞ്ഞപ്പോൾ

    ഉച്ചവെയിൽ തിന്ന് കരിമേഘ മാലകൾ ഉറക്കം പിടിക്കവെ

    തമാശയായ് ആരോ ചൊല്ലി നീ മരിച്ചെന്ന്

    ചിരിച്ചു തള്ളി ഞാനാദ്യമതെങ്കിലും

    സത്യമതായിരുന്നെന്നു വൈകിഞാനറിഞ്ഞു പോയ്

    കരിമുകിൽ പെയ്തിറങ്ങി ഇടിവെട്ടി കൊള്ളിയാൻ മിന്നി

    എന്നിടനെഞ്ചിൽ സിരാ തന്ത്രികൾ മുറുകി

    പിടഞ്ഞുപോയ് കരൾ നീറി പുകഞ്ഞു പോയ്

    എന്തിനീ ക്രൂരത ചെയ്തു നീ..

    ഒന്നും പറയാതെ ഒരു വരിപോലു മെഴുതാതെ

    ഒരു കയർ തുമ്പിൽ നീ നിന്റെ സർവ്വം പൊലിച്ചത്

    എന്തിനാണെന്നു ചികഞ്ഞുള്ളം നീറുന്നു

    എല്ലാം പറഞ്ഞിരുന്നില്ലെ നീ എന്നോടു

    മറ്റെല്ലാം പറഞ്ഞിരുന്നില്ലെ

    ഇതു മാത്രമെന്തിന്നൊളിച്ചു നീ അകലുവാൻ‌-

    അത്രയ്ക്കു വേദനയെന്തേ നിനക്കിന്ന്

    ചെറു കയർ തുമ്പിൽ നീ അകന്നതെവിടേക്ക്

    അവിടെ നിനക്കു ഞാനില്ല കൂട്ടിന്ന്

    നിന്റെ പ്രണയപ്പനിനീരില്ല

    നിന്നച്ച്ഛനില്ല അമ്മയില്ല

    നാടില്ല നാട്ടാരില്ല .

    ഉച്ചയ്ക്കു നാം ഒരുമിച്ചു ചോറുണ്ടു പിരിഞ്ഞതല്ലെ

    തെല്ലൊരസ്വസ്ഥമായൊന്നും കണ്ടീല നിൻ മുഖം

    ഏതു കലിനിമിഷത്തിലാണു നിൻ ചിത്തത്തിൽ

    ഈ ദുർവിചാരം പിറവിയെടുത്തതും

    ഒരു നിമിഷമെങ്കിലും നീ ചിന്തിച്ചിരുന്നെങ്കിൽ

    ഒരു ജന്മമേയുള്ളൂ ഈ മണ്ണിൽ മർത്ത്യന്ന്

     നിന്നെ പ്രണയിച്ച നിന്റെ പാതിയും

    അച്ഛനു മമ്മയും പിന്നെയീ ഞങ്ങളും

    ഒന്നോർത്തിരുന്നെങ്കിൽ വേണ്ടുമോ ഈ ചതി

    പ്രിയ സുഹൃത്തേ നഷ്ടപ്പെടാൻ നിനക്കൊന്നുമില്ലെന്നാലും

    നഷ്ടമായത് നിന്നെ

    ഇഷ്ടപ്പെടുന്നവർക്കു മാത്രമല്ലെ.

എന്റെ മുറിയിൽ ഒരു മുഴം കയറിൽ ജീവിതം വലിച്ചെറിഞ്ഞ എന്റെ പ്രിയ്യപ്പെട്ട സുഹൃത്ത് റൂം പാർട്ട്ണർ പ്രതീഷിന് ഇത് സമർപ്പിക്കുന്നു

പാഞ്ചാലി നഗ്നതന്നെ

2010-06-20T15:17:00.000-07:00

...................................................................................................

അവളുറങ്ങാറില്ല രാവിന്റെ ഇരുളിലവർ
വരുമെന്നതോർത്തു കരഞ്ഞുകൊണ്ട് .
അവളുറങ്ങാറില്ല ഇണയൊത്തു ജീവിതം
അവർ തരികയില്ലെന്നതോർത്തു കൊണ്ട്.

പ്രാണൻ പിടയുന്ന ചില്ലുപാത്രങ്ങളിൽ
നോവിന്റെ ശോക നീരൂറ്റിക്കുടിക്കുമ്പോൾ
ആർത്തിയിലഭിരമിച്ചേതോകിരാതന്റെ
കിടക്കയിലമരുന്ന നിലവിളികൾ-
ഭീതിതമായൊരു ഭാവി കാലത്തിന്റെ-
സൂക്ഷ്മമായൊരു ചെറു ധ്വനി മുഴക്കുന്നു .

നഗ്നകിതപ്പുകൾ ഏറുന്നു ചുറ്റിലും
കുറുനരികൾ നിന്നു കിതയ്ക്കുന്നു
കണ്ണുകളിൽ ചോരത്തിളപ്പിന്റെ രൌദ്രരൂപം
ക്കൂടെ കാമകുതിപ്പിന്റെ വശ്യരൂപം

വെറിപൂണ്ട്,വെറിപൂണ്ട് സംഘങ്ങളായ് ചേർന്ന്
സങ്കടം വാരിവിതയ്ക്കുവോരായവർ
കരിരാവിലവളുടെ സ്വപ്നം മറച്ചവർ
വർണ്ണങ്ങളെല്ലാം കെടുത്തിക്കളഞ്ഞവർ

അവളുറങ്ങാറില്ല രാവിന്റെ ഇരുളിലവർ
വരുമെന്നതോർത്തു കരഞ്ഞു കൊണ്ട്
അവളുറങ്ങാറില്ല വഴിയറ്റ ജീവിത-
യാത്രയ്ക്കവസാനമോർത്തുകൊണ്ട്

ഭുമിയോളം താഴ്ന്നിതെങ്കിലും പിന്നെയും
ഭൂമിക്കുതാഴെയും അവരിരിപ്പൂ
വിശ്വം കാക്കുവോരെന്നാണവർക്കുപേർ
പകൽ മാന്യ മാർജ്ജാര സന്തതികൾ

അവളുറങ്ങാറില്ല പകലിന്റെ വേദനയിൽ
ആവളുറങ്ങാറില്ല വിധിതീർത്ത ജയിലറയിൽ
അവളൂറങ്ങാറില്ല ചതി തീർത്ത മണിയറയിൽ
അവളൂറങ്ങാറില്ല വേശ്യക്കിടക്കയിൽ.

മനമുരുകി ആരെ വിളിച്ചുവെന്നാലും
വന്നീലൊരുമാത്ര നോക്കുവാനെങ്കിലും
അവതാര സങ്കൽ‌പ്പമായിരമെങ്കിലും
ഇപ്പൊഴും പാഞ്ചാലി നഗ്നതന്നെ.
ഇപ്പൊഴും പാഞ്ചാലി നഗ്നതന്നെ

പ്രണയ പ്രതീക്ഷ

2010-02-18T23:15:00.000-08:00

ഇനിയും മരിക്കാത്ത പ്രണയമാണിന്നു ഞാൻ
ഇടനെഞ്ചിനിറയത്തു നിറയുന്ന വെട്ടമായ്
ഒരു മഞ്ഞു കാഴ്ചപോൽ മങ്ങി മങ്ങി..പോയൊ-
ഒഴുകുന്നൊരോടമായ് ഞാനിരിപ്പൂ...

ഓർമകൾ കൊയ്തു നിറച്ച പത്തായത്തിൽ
അളവറ്റ മൂല്യം കരുതിവച്ചിന്നു ഞാൻ
ആരേ കാത്തിരിപ്പു ......ഞാനാരേ ഓർത്തിരിപ്പൂ
ഹൃദയം പകുത്തിരിപ്പൂ ഞാനെന്നെ മറന്നിരിപ്പൂ

പ്രതീക്ഷകൾ ബാക്കിയാവുമ്പോഴും വീണ്ടും
പ്രതീക്ഷിക്കുവാനുള്ള മനസ്സുമാത്രം
എവിടെനിന്നെന്തിനായ് ആരുതന്നു
അറിയില്ലതിന്നെനിക്കന്നുമിന്നും

എഴുതാൻ തുടങ്ങിയ വരികളിലൊക്കെയും
എഴുതപ്പെടാത്ത പുതു പ്രണയമാണ്
നീ തന്ന സ്വർഗ്ഗ വികാരമാണ്
നീ പൂത്ത ലാവണ്ണ്യ രാത്രിയാണ്

ഇനിയും മരിക്കത്ത പ്രണയമായ് ഞാൻ
നീ തീർത്ത പ്രണയവും വീണ്ടെടുക്കും
ഒരു ചെപ്പിലൊരുമിച്ചൊളിച്ചു വെയ്ക്കും
ഇനി വരും പൂക്കൾക്കു ശോഭയേകാൻ

ഇനിയും മരിക്കാത്ത പ്രണയമാണിന്നു ഞാൻ
ഇനിയെന്നുമങ്ങിനെ ആയിടേണം
ഇടനെഞ്ചിനിറയത്ത് വെട്ടമായ് നീയും
അണയാത്തെ വീണ്ടും ജ്വലിച്ചിടേണം

തെളിവെയിലിൽ കാണുന്ന കാഴ്ചപോലെ
മിഴികൾക്കു മധുര വിരുന്നുനൽകി
തളിരിട്ട മലരിൻ വസന്തമാവാം
നമുക്കൊരുമിച്ചു കഥകൾ പറഞ്ഞു നേടാം

ഈ കവിതയുടെ ആലാപനം ഇവിടെ കേൾക്കാം

പിന്നെയും പിന്നെയും ആരോ

2010-02-13T21:54:00.000-08:00

പ്രണയം മരിക്കാതിരിക്കട്ടെ നിനക്കെന്നെയും എനിക്ക് നിന്നെയും മാത്രം സ്നേഹിക്കാന്‍ കഴിയുന്ന നാളുകള്‍ ഇനിയും പിറക്കട്ടെ
ഒരായിരം പ്രണയാശംസകള്‍
നാടകക്കാരന്റെ ഒരു ചെറിയ പ്രണയോപഹാരം പിന്നെയും പിന്നെയും ആരോ കിനാവിന്റെ പടികടന്നെത്തുന്ന പതനിസ്വനം

കായാം പൂ....ഓടക്കുഴലിനെ ശപിക്കരുതേ.....?

2010-02-05T06:11:00.000-08:00

പുല്ലാം കുഴലില് ഒരു പരീക്ഷണം നടത്തിയതാ....പത്താം ക്ലാസ്സു തൊട്ട് ഊതാന് തുടങ്ങിയതാ.....ആദ്യമൊക്കെ കുറേ ഊതി ഊതി തലചുറ്റുമ്പോള് നിറൂത്തും...പിന്നെ അതൊരു വാശിയായി അങ്ങിന്റെ ഒരു ശാസ്ത്രീയാഭ്യാസവും ഇല്ലാതെ ..ഇങ്ങിനെ ഒപ്പിക്കുന്നു...എനിക്കു വല്ല്യൊരാശ്വാസമാണ് ഇത്..എന്റെ ടെൻഷൻ കൊല്ലികളില് പ്രധാനി ഇവനാണ്....നന്നായിട്ടൊന്നും ഇല്ല എന്നറിയാം ചുമ്മാ ഒരു പരീക്ഷണം നടത്തിയതാ..........കൊല്ലല്ലേ...?

ഹരിയണ്ണന്റെ “നീ എനിക്കാരാണ്”.

2010-01-25T07:55:00.000-08:00

ഹരിയണ്ണന്റെ “ നീ എനിക്കാരാണ് എന്ന കവിത ആലപിക്കാൻ ഒരു ശ്രമം

സനാതനന്റെ നങ്കൂരം

2010-01-08T15:12:00.000-08:00

ഓത്തു പള്ളീല്‍ അന്ന് നമ്മള്

2010-01-07T22:06:00.000-08:00

ഇവള്‍

2010-01-05T21:49:00.000-08:00

നാടകക്കാരന്റെ സുഹൃത്തും കവിയുമായ ശ്രീ ചന്ദ്രന്‍ മണ്ടൂരിന്റെ ഇവള്‍ എന്ന കവിത നാടകക്കാരന്റെ
കാളരാഗത്തില്‍

സഖാവ് നായനാര്‍

2010-01-04T07:30:00.000-08:00

നാടകക്കാരന്‍ കാട്ടാക്കടയുടെ ആലാപന മാധുര്യം ഇവിടെ കേള്‍ക്കാം

ഇല്ല സഖാവ് മരിക്കയില്ല
ഇല്ല സഖാവിന്നു മരണമില്ല
ചോന്നു നില്‍ക്കും കടും പൂവാക പോലെ
പൂത്തു നില്‍ക്കുന്ന മനോകുടീരങ്ങളില്‍
ഇല്ല സഖാവിന്നു മരണമില്ല
ഇല്ല സഖാവ് മരിക്കയില്ല

കണ്ണീരു വീഴുന്ന കുടിലിലുണ്ട്
കണ്ണെത്താ പാട വരമ്പിലുണ്ട്
നാം നടക്കുന്ന ഇടവഴിക്കോണിലും
സമരം മണക്കുന്ന പാതയോരത്തിലും
കയ്യൂരിന്‍ കാട്ടു വഴികളില്‍ പൂവിട്ട
കാട്ടു പന്തത്തിന്റെ ജ്വാലപോലെ
എരിയും മനസിന്റെ കൂടെയുണ്ട്
തളരും മനസ്സിന്റെ കൂടെയുണ്ട്

വെള്ളക്കാരന്റെ കണ്ണിലുണ്ട്
വെട്ടിത്തിളങ്ങുന്ന രൌദ്രമുഖം
കാട്ടാള ജന്മി മനയ്ക്കലുണ്ട്
കാരിരുമ്പിന്റെ കറുത്ത മുഖം
കാടത്തം കൊന്നൊരു പെങ്ങടെ മാനത്തിന്‍
കൂട്ടായ്‌ കാവലായ് എന്നുമുണ്ട്

പാണക്കുടികളില്‍ വേട മാടങ്ങളില്‍
വെരാരുമില്ല കിടാങ്ങള്‍ക്കു കൂട്ടായ്‌
വേദനിക്കുന്നോരീ സ്നേഹ മുഖം
ആണിന്‍ കരുത്താര്‍ന്ന്‍ ഒരാര്ദ്ര ഹൃദയം .

ഉരിയളക്കാതെ നിറ നാഴി പോലെ
മടിയാതെ ഒഴുകുന്ന പുഞ്ചിരിയാല്‍
മൂന്നു കോടി ജന ഹൃദയങ്ങള്‍ക്ക്‌
നായകനായ സഖാവ് നായനാര്‍
നാടിന്റെ നായകന്‍ നാളത്തെ നാമ്പുകള്‍
ആദ്യം പഠിക്കേണ്ട വീര പാഠം

ആ കടല്‍ തീരത്ത് ചോപ്പ് വീഴുന്നേരം
ആ ശരീരം ചെങ്കനലെടുക്കെ
ഉയരുന്ന ധൂമ ഗോളങ്ങളില്‍ നിന്നും
ഉണരുന്നു ...
ലാല്‍സലാം സഖാക്കളെ ലാല്‍സലാം
ഇല്ല സഖാവ് മരിക്കയില്ല
ഇല്ല സഖാവിന്നു മരണമില്ല

പാവകളി

2009-12-30T10:53:00.000-08:00

ഫണമുയര്‍ത്തി നില്‍ക്കുന്ന യാഥാര്‍ത്ഥ്യങ്ങളേ
നിങ്ങള്‍ എന്നെ കൊത്തരുത്
ചെങ്കുത്തായ ഒരു മലയുടെ താഴ്വാരത്തില്‍
മുകളില്‍ ഒരു ചെറു വേരില്‍ തങ്ങി നിര്‍ത്തിയ
പാറക്കല്ലും നോക്കി ഇരിക്കുന്നവനാണ് ഞാന്‍

വിഷം പുതഞ്ഞ മണല്‍ തരികളിലൂടെ
പാദുകമില്ലാത്തവനായി കുറേ ദൂരം ഇനിയും ഉണ്ട്
സിരകളിലൂറുന്ന വീഞ്ഞ് വരളാതിരിക്കുന്നിടത്തോളം കാലം
ജീവിതം എന്ന പാവകളി.

എന്റെ പ്രണയം പോലെ

2009-12-24T14:17:00.000-08:00

പറന്നു പോയ രാക്കിളി
നീ കൂടു വെച്ചൊരെന്‍ ഇടനെഞ്ചില്‍
തിളക്കം വറ്റിയ ശോണ രക്തത്തിന്റെ
നരച്ച മുഖഭാവം പറഞ്ഞത്
നിന്നെ ഞാന്‍ സ്നേഹിച്ചിരുന്നു ..

നീ വരും വഴി കാത്തു നിന്ന
മരങ്ങള്‍ മതിലുകള്‍ മനസ്സ്
ഒക്കെയും പറഞ്ഞിരുന്നത്
എന്റെ ഹൃദയ മിടിപ്പിന്റെ ശബ്ദങ്ങള്‍ .

പ്രണയം സത്യമാണെന്ന് നീ
തിരിച്ചറിയുക ..
നീ കണ്ടു മോഹിച്ച സുഖ മലകള്‍ക്ക്
കയറുമ്പോള്‍ ദീര്‍ഘം കൂടാം .
എന്റെ പ്രണയം പോലെ .

ഒറ്റ ദിശയില്ലാത്തതാണ് ലോകം

2009-12-10T21:58:00.000-08:00

വൃഷ്ണ ഭാണ്ഡങ്ങളില്‍ നിറയുന്ന ബീജങ്ങള്‍ ഒക്കെയും
വിഷ്ണു പക്ഷത്തായിരിക്കില്ല സോദരാ.
കൃഷ്ണ പക്ഷത്തില്‍ പിറന്നവനോക്കെയും
കൃഷ്ണനെപ്പോലെ ആവുകില്ല സഹോദരാ ..

ചിന്തകള്‍ തീകൂട്ടി
പാതിരാ നേരത്ത്
നീ കണ്ട സ്വപ്നങ്ങള്‍ ഒക്കെയും ഈ മണ്ണില്‍
സത്യമാവുകയില്ലെന്റെ മാനവാ

നീ കറക്കുന്ന പമ്പരം പോലെ
വട്ടം തിരിയുന്ന ഭൂമി പോലെ
ഒരു സമയ ഘടികാരം പോലെ
ഒറ്റ ദിശയില്ലാത്തതാണ് ലോകം

നിയോഗം

2009-12-08T20:54:00.000-08:00

നിറയുന്ന യൌവ്വനം കൈനീട്ടി വാങ്ങി ഞാന്‍
നിറവയറൂണ്ടു നടപ്പൂ
നിലമറന്നെണ്ണയും തേച്ചുകൊണ്ടീ‍വഴി
ഇടവഴികള്‍ തേടി നടന്നു
ഇരുളിനെ കൂട്ടു പിടീച്ച്കൊണ്ടീകാല‌-
മുടയാതെ കരുതി നടപ്പൂ
ശകടമിതു ഇരു ചക്ര-മിരട്ടിചക്രം
നിറവും മോഡലും മാറ്റി മാറ്റി
ബ്ലൂട്ടൂത്തിലൂടെ ജനിച്ചു വീണവനാണ്
ബ്ലൂവാണ് കൂട്ടത്തിലേറെ ഇഷ്ടം
ഒന്നല്ലോരായിരം ക്യാമറകണ്ണുമായ്
ശൃംഗാരിച്ചവനും നടന്നു
ശൃംഗരിച്ചവളോ മൊബൈലുകള്‍ക്കുള്ളില്‍
മൈലുകള്‍ താണ്ടി നടന്നു.
ചങ്ങാട മങ്ങിനെ തുഴഞ്ഞു നീങ്ങീ
ചങ്ങാത്ത മങ്ങിനെ കൂടി വന്നു
ചുണ്ടില്‍ പുകയുന്ന സിഗരറ്റു കൂടാതെ
രണ്ടാമതൊന്നും തിരുകിവച്ചു
ബാറുകള്‍ കേറി നിരങ്ങി നീങ്ങി
ബോറായ വാക്കില്‍ കുളിചിറങ്ങി
ബോറകറ്റീടുവാന്‍ ബാറൂ വിട്ടവനൊരു
ചാറ്റിങ്ങു റൂമില്‍ കിടന്നുറങ്ങി
ഉറക്കത്തിലെങ്കിലും മാറിമാറി
അക്കരെ ഉള്ളവളെയുറക്കാതിരിക്കുവാന്‍
അവനുള്ള വീരത്തം വേറെതന്നെ
അങ്ങ് ശ്രീലങ്കയില്‍ ഗതിയില്ലാതായിരം
ഗതിതേടി എങ്ങോ അലഞ്ഞിരുന്നു
പുകയുന്ന ബോംബിന്നരികിലൂടെ
പാലസ്തീനികള്‍ പാലായാനക്കാര്‍.
അരികിലായ് തെരുവിലൊരു സ്ലംഡോഗ്
മില്ല്യനെര്‍ ഗതിവിട്ട് ഷോകള്‍ കളിച്ചിടുന്നു
ഇരുളിലെ പൊന്തയില്‍ ഒരു പച്ച നോട്ടിന്നു
മാനം വില്‍ക്കുന്നു ആയിരം പേര്‍
ഇവിടെയൊരു പെണ്‍കൊടി കോടതിയില്‍
ബാക്കി മാനം കളയുന്നു
തണ്ടും തടിയും കനിഞ്ഞുനല്‍‍കി പൊന്നു
മക്കളുടെ തല്ല് ഇരന്നുവാങ്ങീ
ചുളിവുകള്‍ റോഡീലിരുത്തിയൊരപ്പനും
അമ്മയും മരണ വിളി കാത്തിരുന്നു
ഇവയൊന്നു മറിയാതെ അപ്പൊഴും അവനാ
ചാറ്റിങ്ങു റൂമില്‍ കിടന്നുറങ്ങി
അരിതീര്‍ന്ന വീട്ടിലെ അരവയര്‍ കൊണ്ടമ്മ
അപ്പൊഴും താരാട്ടു പാടിടൂന്നു.

എന്നെപ്പോലെ

2009-11-30T13:11:00.000-08:00

കടലിന്റെ നേർത്ത തിരയനക്കം
എന്റെ ചോരത്തിളപ്പു പോലെ
വ്രിത്തിഹീനമായ എന്റെ മുറ്റം
ചൂലെടിക്കാൻ ഞാൻ ഉപയോഗിക്കുന്ന
എന്റെ ചോരത്തിളപ്പ്.

നീലിമയുടെ ...ശാന്തത.
എന്റെ ...ഉള്ളൂറക്കം പോലെ..
കാർമേഘങ്ങള്ളാൽ പുതച്ചിടാം
അപ്രതീഷിത നീക്കങ്ങളീൽ
ഒരു ഞെട്ടലോടെ.

പുതു മണ്ണിന്റെ നേർത്ത ഗന്ധം
എന്റെ ..മലയാളം പോലെ
എവിടെയായാലും എന്തു ചെയ്താലും
എന്നും ഒരു പോലെ ..
ഒരു മാറ്റവും ഇല്ലാതെ.

പുലരിയുടെ..തെളിമ
എന്റെ കണ്ണുകൾ പോലെ
നേരിന്റെ..ചുവരുകളിൽ ..
തെറ്റിന്റെ ..വേരുകളിൽ..
ഒന്നും മറയ്ക്കാ‍നാവാത്ത വീധം

വർഷത്തിന്റെ...പെരുമുഴക്കം
എന്റെ കോപം പോലെ
മടിയന്റെ ..മതിമറന്നവന്റെ
കടമയറീയാത്തവന്റെ ..തിമിർപ്പിനോട്
സന്ധിചെയ്യാത്ത കോപം.

സി. പി. ഐ. എം

2009-11-22T12:12:00.001-08:00

അന്നു കരളിൽ
മനസ്സിൽ
ഗ്രാമത്തിൽ
ഇന്നു കടലിൽ
കലക്കിൽ
പട്ടണത്തിൽ
നാളെ പുസ്തകത്തിൽ
പെട്ടിയിൽ
മണ്ണിൽ
വേദനിക്കുന്ന ഹൃദയങ്ങളോടൊപ്പം
വിപരീതങ്ങളായി.

ബാല്യം

2009-11-18T13:45:00.000-08:00

മഞ്ഞുകാലത്തിലെ പൂക്കളെ കാണുമ്പോൾ
ഓർത്തു പോകുന്നു എൻ കുഞ്ഞുകാലം
മാരിവില്ലേഴുനിറവും വിരിച്ചിട്ട
മാഞ്ഞുപോകാത്തൊരെൻ ബാല്യകാലം.

ഓടി നടന്നതും പാട്ടുപഠിച്ചതും
കൂട്ടരോടൊന്നിച്ചു തല്ലു പിടിച്ചതും
ഓരോരോ കാര്യങ്ങൾ ചൊല്ലി കണക്കിനു
അമ്മേടേ അച്ഛന്റെ തല്ലുവാങ്ങിച്ചതും

കൊച്ചു പണപ്പാത്ര മൊന്നുതുറന്നിട്ട്‌
കൊച്ചച്ചനറിയാതെ കാശൊന്നു കട്ടതും
പിന്നീടതെങ്ങിനോ അമ്മയറീഞ്ഞതും
കുഞ്ഞുകാന്താരീടെ ചൂരൊന്നറീഞ്ഞതും

ചിത്രം വരച്ചപോൽ ഇന്നെന്റെ ഉള്ളിലായ്‌
ഓർത്തു പോകുന്നു എൻ കുഞ്ഞുകാലം.

കന്നിമാസത്തിലെ കൊയ്ത്തു കഴിഞ്ഞനാൾ
പാടത്ത്‌ മാടോത്തി വന്നൊന്നിരുന്ന നാൾ
ചൂണ്ടക്കയരു കുരുക്കുകൾ കാട്ടീട്ട്‌
അരിമണി പയർമണി ഇരയായി നൽകീട്ട്‌
കാടീന്റെ പൊന്തേൽ മറഞ്ഞൊന്നിരുന്നിട്ട്‌
കാലു കുരുങ്ങിയ ചെങ്കണ്ണി പ്രാവിനെ
ആർപ്പു വിളികളോടോടീപ്പിടീച്ചിട്ട്‌
നാട്ടരെ മുഴുവനും കാട്ടിക്കൊടുത്തിട്ട്‌
വീരനായ്‌ നാട്ടിൽ നടന്നകാലം...
ഓർത്തു പോകുന്നൊരെൻ കുഞ്ഞു ബാല്യം

ഗോലി മേടീച്ചിട്ടു ഗോലികളിച്ചതും
കല്ലുപെറുക്കീട്ടു കൊത്തങ്കല്ലാടിയും.
കുട്ടിയും കോലും കളിച്ചിട്ടും പോരാഞ്ഞ്‌
കണ്ണൂപൊത്തിക്കൊണ്ടു കാടൊന്നു കേറിയതും.

കന്നിമഴയിൽ കാലു നനച്ചിട്ട്‌
ഉമ്മറപ്പടിയിൽ തോണീയിറക്കീട്ട്‌
വാഴത്തടകൊണ്ടു ചങ്ങാടമിട്ടിട്ട്‌
ചങ്ങാതികൾകൂടി ഓടം തുഴഞ്ഞതും

തുള്ളിചെറുമഴ താളത്തിൽ പെയ്യുമ്പോൾ
താളിലക്കുടചൂടി ചെളിവെള്ള തോട്ടിൽ
കാൽപ്പടം കൊണ്ടൊരോതാളമടിച്ചിട്ട്‌
ഇല്ല കുളത്തിൽ കുളിക്കാൻ പോകുമ്പോൽ
പുള്ളിക്കരത്തോർത്തിൽ ചെറൂവെള്ളി മീനിനെ
തഞ്ചത്തിൽ കോരിയെടൂത്തതും അന്നു ചെറു-
കുപ്പീലിട്ടൊന്നടച്ചതും...ഇന്നലെ
ഇന്നലെ നടന്നത്‌ പോലെ തന്നെ...

ഇനി വരില്ലെന്നാലു ഈക്കാല മിനിയൊന്നു
വന്നിരുന്നെങ്കിലെന്നാശിച്ചു ഞാൻ
ഒരു നാളും മായാതെ മാറിവിൽ ഒളിപോലെ
മനതാരിൽ മിന്നി തിളങ്ങിയെങ്കിൽ

മഞ്ഞുകാലത്തിലെ പൂക്കളെ നിങ്ങളൊരു
മാസ്മര മലരുകളിന്നെനിക്ക്‌.

ശിലാ ഫലകങ്ങളിൽ എഴുതിപ്പിടിപ്പിച്ചത്

2009-10-14T16:17:00.000-07:00

ശിലാ ഫലകങ്ങളിൽ എഴുതിപ്പിടിപ്പിച്ചത്
എന്തായിരുന്നു...കണ്ണട വെച്ചിട്ടും കണ്ടില്ല
ഇനി ഭൂതകണ്ണാടിക്കു ചെക്കനെ പറഞ്ഞയക്കണം
വാച്ച് മെക്കാനിക്ക് സദൻ തരുമോ ആവോ..

മിനിട്ടു സൂചിക്കും സെക്കന്റ് സൂചിക്കും പിന്നെ
മണിക്കൂർ സൂചിക്കും ഇടയിൽ അവന്റെ മനസ്സ്
ഒരു..സെക്കന്റു പിഴച്ചാൽ തീർന്നില്ലേ ലോകം..
ഭൂതക്കണ്ണാടി ...പ്രതീക്ഷമാത്രമായി അവശേഷിച്ചു.

കണ്ണിലൊരു തുള്ളി പനിനീരൊഴിക്കാം...
ജാനുവിന്റെ അടുത്തേക്ക് ചെക്കനെ പറഞ്ഞയക്കാം
മാനസപുത്രിക്കും ..പാരിജാതത്തിനും..പിന്നെ
ദേവീ മാഹാത്മ്യത്തിനും ..ഇടയിൽ കിടന്നവൾ
വേദനിക്കുന്നതു കാണുമ്പോൽ ..വേണ്ടെട ചെക്കാ..

ഇനി ഈ കണ്ണട വച്ചാൽ നിനക്കിതു കാണുമോ...?
എന്നാൽ ചെക്കനൊരു കൈ നോക്കട്ടെ.
അവൻ വയിക്കുന്നുണ്ടല്ലോ.കണ്ണട വെയ്ക്കാതെ !!!
അവനു ചിരി വരുന്നുണ്ടല്ലോ..
ദേ...ചെക്കൻ തുള്ളിച്ചാടുന്നു ..നൃത്തം വെയ്ക്കുന്നു...
ദേ ...എന്റെ ടോർച്ച്...അതെടുത്തവൻ പാട്ടു പാടുന്നു..

ഏയ് ഇവൻ ഇത് വായിച്ചിട്ടൂണ്ടാകില്ല...ചുമ്മാ വെറുതേ..
ഇനി അമ്മിണിക്കുട്ടിയോടോന്നു ചോദിക്കാം..
ആ ലാപ് ടൊപ്പൊന്നവിടെ വച്ച് അമ്മിണിക്കുട്ടീയൊന്നിങ്ങൂ വന്നേ..
അപ്പുപ്പന്റെ ഈ കണ്ണടയൊന്നിട്ട് ഇതൊന്നു വായിച്ചേ...
അമ്മിണിക്കുട്ടീ അതു വായിക്കുന്നേ....അയ്യയ്യേ............

ഇവളെന്താ ഈ കാട്ടണേ...നാണമില്ലേടീ നിനക്ക്
അവളുടുത്ത പാവാടയും ബ്ലൌസും ഒക്കെ ദാണ്ടെ കിടക്കണ്
ഇവളിതെന്നാ നടത്തമാ നടക്കണെ...?
ഇവളുടെ കാലെന്താ നിലത്തുറക്കത്തെ ..
അയ്യോ..ഇതെന്തൊരു നോട്ടം....
ഉള്ളതും കൂടി അഴിച്ചു കളയുന്നതിനും മുമ്പേ.
ടീ ശാരദേ നീ നിന്റെ മോളെ ഒന്നു നിലയ്ക്കു നിർത്തിയേ..

ശാരദ ഒരു കോളേജു ടീച്ചറാ...കോളേജും സ്വന്തമാ....
അവളിതു പണ്ടേ.. വയിച്ചതാ...പക്ഷെ...എന്താന്നു മാത്രം
എന്നോടു പറഞ്ഞില്ല.
പിള്ളേരു ലക്ഷങ്ങൾ കൊടൂക്കുന്നതു കാണാം..
അതില്ല്ലാത്തവനെ ആട്ടിപ്പായിപ്പിക്കുന്നതും കാണാം

ഇനി ഒരുത്തൻ മകൻ രാഘവൻ
അവനും അവളേപ്പോലെ പണ്ടേ വായിച്ചതാ
എന്നിട്ടും എന്നോടൂ പറഞ്ഞില്ല ..
അവനുള്ള ഭൂമിയൊക്കെ വാങ്ങിക്കൂട്ടീ
പത്തിരട്ടിക്കു മറിച്ചു കൊടുക്കുവാ...
പിന്നെ ഉള്ള മണ്ണും മരവും പഴയ തറവാടും
കുളവും , കായലും, പുഴയും,ഒക്കെ..
ഇപ്പൊ കടലിലാണെന്നു തോന്നുന്നു..പണി..
പുതിയപുതിയ കുറേ കരാറൂണ്ടെന്നു പറയുന്ന കേട്ടൂ.

എന്നിട്ടും എനിക്കതൊന്നു വായിക്കാൻ പറ്റുന്നില്ലല്ലോ..
അയ്യോ..എന്റെ ശരീരം..ക്ഷീണിക്കുകയാണല്ലോ
എന്റെ തോലുകളിൽ ചുളിവുകൾ വീണല്ലോ..!!!
എന്റെ മുടി മുഴുവനും നരച്ചല്ലോ..എന്നെകൊണ്ടീനി
ഒന്നിനും കൊള്ളാതായോ..?

അയ്യയ്യോ..ഇപ്പോൾ എനിക്കിതു വായിക്കാം...
എന്തു...ഞാൻ എന്താണീ..കാണുന്നതു.
വയസ്സു കാലത്ത്...മക്കളൊടൊന്നിച്ചിരിക്കാൻ
അവരുടെ സ്നേഹം കിട്ടീ മരിക്കാൻ എന്നെ അനുവദിക്കില്ലെന്നോ..

അങ്ങിനെ റപ്പായി..ഇപ്പൊൾ വൃദ്ധ സദനത്തിലാണ്.

ശബ്ദം

2009-10-11T16:23:00.000-07:00

അടച്ചിട്ട മുറിയിൽ ഞാൻ തനിച്ചിരുന്നു സംസാരിച്ചു

ആർക്കൊക്കെയോ വേണ്ടി ശക്തമായി വാദിച്ചു

ഇപ്പോൾ ഞാൻ മൌനം പാലിച്ചിരിക്കുന്നു

നിശബ്ദതകളിൽ എവിടെയോ

ശബ്ദത്തിന്റെ അലയൊലികൾ

കൂരിരുട്ടിലെ പ്രേത ശബ്ദം പോലെ

മൃഗങ്ങൾപോലും മൌനം പാലിച്ചിരിക്കുന്നു

നനഞ്ഞ മേഘങ്ങൾ പോലും വിങ്ങി വിങ്ങി

ഒന്നു പെയ്യാതെ പരസ്പരം ഒന്നു കൂട്ടി മുട്ടാതെ

ഗ്രഹണം ബാധിച്ച പോൽ ...ലോകം

പ്രതിബദ്ധതകളില്ലാതെ സഹാനുഭുതിയില്ലാതെ

കാണാതെ കേൾക്കാതെ ഒന്നും പറയാനാവാതെ ...

എന്നിട്ടും പിന്നെയും പിന്നെയും പഠിക്കാതെ അപ്പോഴും

അടച്ചിട്ട മുറികളിൽ നാലു ചുവരുകൾ കേൾക്കെ

ശബ്ദങ്ങൾ മന്ത്രിച്ചൂ

വരിക വരിക സഹചരേ...സഹന സമര സമയമായ്

കരളുറച്ചു കൈകൾ കോർത്ത് കാൽ നടയ്ക്കു പോകനാം..

വെളുത്ത ചിന്തയെ കൊന്ന കറുത്ത ചിന്ത

2009-09-30T21:45:00.000-07:00

എന്റെ വെളുത്ത ചിന്തയ്ക്കു പിറന്ന കറൂത്ത കുഞ്ഞുങ്ങളെ.
നിങ്ങളെങ്ങിനെ കറുത്തു പോയി....?
എന്റെ പാതി ചാലിച്ച്‌ ഞാൻ നൽകിയ ബീജത്തിൽ
പ്രതികരിക്കുന്ന യൌവ്വനം, പ്രണയം, ദയ, കാരുണ്യം,
എന്നിവ നിറച്ചിരുന്നു.

എന്റെ ഇടനെഞ്ചിലെ ഞരമ്പു മുറിച്ചചോരയിൽ
വിപ്ലവത്തിന്റെ തീഷ്ണത, നേരിനോടുള്ള ആവേശം,
ചതിയോടുള്ള പ്രതികാരം, സ്വാന്ത്വനത്തോടുള്ള അലിവ്‌.
സഹാനുഭൂതി.എന്നിവ ഉണ്ടായിരുന്നു.

എന്റെ കണ്ണിമകളിലെ പീലിതുമ്പിൽകാരുണ്യത്തിന്റെ
കടൽ വെള്ളമുണ്ടായിരുന്നു
എന്റെ നാവിൻ തുമ്പിൽ നിരാലംബരുടെ
പാട്ടയിരുന്നുഎന്റെ സംഗീതത്തിനു കർഷകന്റെ താളമായിരുന്നു
ഞാനുണ്ട ചോറിനു പുന്നെല്ലിന്റെ മണമായിരുന്നു .
വിരുന്നു വരാറുള്ള കിളികൾ മാടത്തയും ,ചങ്ങാലി പ്രാവുകളും,
കൊറ്റിയും ഒക്കെ ആയിരുന്നു.

പിന്നെ നീയെന്തെ ഇങ്ങിനെ....?
കണ്ണില്ലാതെ ,കാതില്ലാതെ ,മിണ്ടാൻ കഴിയാതെ ....
യൗവ്വനത്തിലും വാർദ്ധക്യത്തിന്റെ വേദനയുമായി ഊന്നുവടിയിൽ
നിന്റെ ഞരമ്പുകൾ തുടിക്കാത്തതെന്തെ..?
നിന്റെ കൈകൾ ചൂണ്ടാത്തതെന്തെ....?
കാമുകിയെ ചുമ്പിക്കാൻ മാത്രം ഉയരുന്ന നിന്റെ ചുണ്ടുകൾ കൊണ്ട്‌
ആർദ്ദ്രമായ്‌ അമ്മയെ ഒന്നു ചുമ്പിക്കാത്തതെന്തെ..?

ഇല്ല നിനക്ക്‌ ഇങ്ങിനെയേ....ആകാൻ കഴിയൂ..
നിന്നെ നിശ്ചലരാക്കുന്നവർ
ഇപ്പോഴും പാണ്ടവ പക്ഷത്ത് തന്നെയാണ്.....!!!!
ചതിയും കുതന്ത്രവും അവർക്കു മാത്രമേ അറിയൂ...
അതിനാൽ ജയമെപ്പോഴും അവർക്കൊപ്പമാകും..
പിന്നെ ശരശയ്യയിൽ വെളുത്ത ചിന്തയ്ക്കു മരണവും...!!!

ശബ്ദം

2009-09-28T21:38:00.000-07:00

അടച്ചിട്ട മുറിയിൽ
ഞാൻ തനിച്ചിരുന്നു സംസാരിച്ചു

ആർക്കൊക്കെയോ വേണ്ടി
ശക്തമായി വാദിച്ചു

ഇപ്പോൾ ഞാൻ മൌനം പാലിച്ചിരിക്കുന്നു

നിശബ്ദതകളിൽ എവിടെയോ..
ആ ശബ്ദത്തിന്റെ അലയൊലികൾ
കൂരിരുട്ടിലെ പ്രേത ശബ്ദം പോലെ

മൃഗങ്ങൾപോലും മൌനം പാലിച്ചിരിക്കുന്നു
നനഞ്ഞ മേഘങ്ങൾ പോലും
വിങ്ങി വിങ്ങി ഒന്നു പെയ്യാതെ
പരസ്പരം ഒന്നു കൂട്ടി മുട്ടാതെ
ഗ്രഹണം ബാധിച്ച പോൽ ...ലോകം

പ്രതിബദ്ധതകളില്ലാതെ
സഹാനുഭുതിയില്ലാതെ
കാണാതെ കേൾക്കാതെ
ഒന്നും പറയാനാവാതെ ...
എന്നിട്ടും പിന്നെയും പിന്നെയും പഠിക്കാതെ

അപ്പോഴും അടച്ചിട്ട മുറികളിൽ
നാലു ചുവരുകൾ കേൾക്കെ
ശബ്ദങ്ങൾ മന്ത്രിച്ചൂ
വരിക വരിക സഹചരേ...സഹന സമര സമയമായ്
കരളുറച്ചു കൈകൾ കോർത്ത് കാൽ നടയ്ക്കു പോകനാം..

ഹൃദയ കാവ്യം

2009-09-28T02:26:00.000-07:00

വാതിൽ ചാരാതെ കാത്തുവച്ചോരോർമ്മ
നേർത്ത ഞരക്കത്തോടെ പാതി തുറ-
ന്നാർദ്രമാം മഞ്ഞിന്റെ പാടനീക്കി
വയലുറങ്ങിയ വഴികളിലൂടെ നീണ്ടു നീണ്ട്...

ഓർത്തൊരോണപൂവിന്റെ നേർത്ത നീല നിറം
മാറത്തു ചാർത്തി . ഇളം ചന്ദനത്തിന്റെ വാസന.
ക്കൊലുസിലിന്ദോളം മൊഴിഞ്ഞ് വാതിലിനപ്പുറത്തൂടെ..
കുപ്പിവളക്കിലുക്കത്തിലുതിർന്ന ചെറുകഷ്ണങ്ങൾ..തുള്ളി തെറിച്ച്.
ഇടവഴികളിൽ ഊർന്നു വീഴവേ...പുഞ്ചിരിക്കൊലുസുകിലുക്കി
ഓടി മറഞ്ഞവൾ..
വയൽ വരമ്പിൽ കണ്മിഴിച്ച കാക്കാത്തി പൂവുകൾ-
പോലെ കണ്ണിലഞ്ജനം ചേർത്ത്.
കാച്ചെണ്ണ മണക്കുന്ന മുടിയിലെ കൃഷ്ണ തുളസി
മെല്ലെ ഇളം കാറ്റിൽ ചാഞ്ചാടി
പിന്നെ നടവരമ്പിൽ എന്നും തരാറുള്ള പുഞ്ചിരിയും.

നിനച്ചിരിക്കാതെ ഒരു ഇടവപ്പാതി
കരി മാരി പെയ്തു തീർക്കാൻ തുടങ്ങവെ
കരൾ ചേർത്ത് കാത്തുവച്ച കനിവോലും നിധി
കടലെടുത്തതും ...ഇഡി വെട്ടി കൊള്ളി മിന്നലുകൾ
തുള്ളിക്കളിച്ചതും..എന്റെ ഇടനെഞ്ചിൽ...
കൂരമ്പു കൊണ്ടതും.
നീ കൂട്ടീ വച്ച മഞ്ചാടി കുരുവിനോട്
നിന്റെ ആയുസ്സു പിണങ്ങിയതും
മറന്ന ലിപികളിലാരോ എഴുതിയ പ്രണയകാവ്യം-
പോലെ വായ്ച്ചെടുക്കാനാവാതെ.....
നേർത്ത പുകമഞ്ഞു പോലെ..പാടവരമ്പത്തിനപ്പുറത്ത്...
ഞാനേകനായ് ഇവിടെയും.

ഹൃദയ കാവ്യം

2009-09-27T23:10:00.000-07:00

വാതിൽ ചാരാതെ കാത്തുവച്ചോരോർമ്മനേർത്ത

ഞരക്കത്തോടെ പാതി തുറ-ന്നാർദ്രമാം മഞ്ഞിന്റെ

പാടനീക്കിവയലുറങ്ങിയ വഴികളിലൂടെ നീണ്ടു നീണ്ട്...

ഓർത്തൊരോണപൂവിന്റെ നേർത്ത

നീല നിറംമാറത്തു ചാർത്തി . ഇളം ചന്ദനത്തിന്റെ വാസന.

ക്കൊലുസിലിന്ദോളം മൊഴിഞ്ഞ് വാതിലിനപ്പുറത്തൂടെ..

കുപ്പിവളക്കിലുക്കത്തിലുതിർന്ന ചെറുകഷ്ണങ്ങൾ..

തുള്ളി തെറിച്ച്.ഇടവഴികളിൽ ഊർന്നു വീഴവേ...

പുഞ്ചിരിക്കൊലുസുകിലുക്കിഓടി മറഞ്ഞവൾ..

വയൽ വരമ്പിൽ കണ്മിഴിച്ച കാക്കാത്തി പൂവുകൾ-

പോലെ കണ്ണിലഞ്ജനം ചേർത്ത്.

കാച്ചെണ്ണ മണക്കുന്ന മുടിയിലെ കൃഷ്ണ തുളസി

മെല്ലെ ഇളം കാറ്റിൽ ചാഞ്ചടി

പിന്നെ നടവരമ്പിൽ എന്നും തരാറുള്ള പുഞ്ചിരിയും.

നിനച്ചിരിക്കാതെ ഒരു ഇടവപ്പതി

കരി മാരി പെയ്തു തുടങ്ങവേ.

ചേർത്ത് കാത്തുവച്ച കനിവോലും നിധികടലെടുത്തതും ...

ഇഡി വെട്ടി കൊള്ളി മിന്നലുകൾതുള്ളിക്കളിച്ചതും..

എന്റെ ഇടനെഞ്ചിൽ...കൂരമ്പു കൊണ്ടതും.

നീ കൂട്ടീ വച്ച മഞ്ചാടി കുരുവിനോട് നിന്റെ

ആയുസ്സു പിണങ്ങിയതും

മറന്ന ലിപികളിൽ എഴുതിയ പ്രണയകാവ്യം-

പോലെ വായ്ച്ചെടുക്കാനാവാതെ.....

നേർത്ത പുകമഞ്ഞു പോലെ..

പാടവരമ്പത്തിനപ്പുറത്ത്...

ഞാനേകനായ് ഇവിടെയും.

തീവ്ര വാദികള്‍ ജനിക്കുന്നത്

2009-06-06T03:18:00.000-07:00

മതവികാരം വ്രണപ്പെടൂത്തിയപ്പൊ

അവന്‍ വാളെടുത്തതാ‍..

അവരെന്തിനാ അങ്ങീനെ ചെയ്തേ....?

അതുകൊണ്ടല്ലേ അവന്‍ അങ്ങിനെ.

വീട്ടില്‍ പട്ടിണീയാ

അവര്‍ പണം നല്‍കാമെന്നു പറഞ്ഞൂ

ഇപ്പൊ പട്ടിണീ മാറീല്ലേ..?

അതിനുവേണ്ടീയല്ലേ..അവന്‍ അങ്ങീനെ.

അന്യ മതക്കാര്‍ അവന്റെ നാട്ടില്‍

അങ്ങിനെ താമസിക്കരുതോ..

താമസിച്ചതും പോരാഞ്ഞ് അവര്‍

ചീത്തവിളിക്കുന്നോ...?

അതുകൊണ്ടല്ലേ അവന്‍ അങ്ങീനെ.

ഇതെല്ലാം അവരുടെ വാദങ്ങള്‍

ഇനി എന്റെ വാദം

പൊക്കിള്‍ക്കൊടീയില്‍ ജീവന്റെ

തളീര്‍ കിളീര്‍ക്കുമ്പോള്‍..

കേള്‍ക്കുന്നത് ബാങ്കൊലിയും ഓംകാരവും

സ്കൂളുകള്‍ക്കു പുറമേ..മദ്രസ്സയും ശാഖയും

ഉമ്മായും ബാപ്പായും അച്ഛനും അമ്മയും

ഓരോ ഭ്രൂണവും വളരുന്നത്

ഓരോ തീവ്രവാദിയെയും കൊണ്ടാണ്.

മരം.

2009-03-21T13:30:00.000-07:00

മരമെന്ന വാക്കിന്നു വരമെന്ന് ഞാന്‍

മരമെന്നവാക്കിന്നു പണമെന്ന് അവന്‍

മരമെങ്ങിനെ പണമെന്ന് ഞാന്‍

മരമെങ്ങിനെ വരമെന്ന് അവന്‍

മരവും പണവും വരവും.....!!!!

“കുന്തം‘ ‘കോപ്പ്‘ എന്ന് മറ്റവന്‍

മരമെല്ലാം മുറിച്ചപ്പോള്‍

പണമായത് ഞാന്‍ കണ്ടു.

മുറിച്ചമരമെല്ലാം

മരിച്ചത് അവന്‍ കണ്ടു.

കാലം വ്രിദ്ധനായി....!!!!

മരമില്ലാത്ത നാട് മഴയില്ലാത്തതായി

മരണങ്ങള്‍ നാടു നിറഞ്ഞു....!!!!

അവനും മറ്റവനും...എല്ലാം

എന്നെ തിരക്കി ഞാന്‍ അപ്പൊഴേക്കും

മരിച്ചു കഴിഞ്ഞിരുന്നു

മോക്ഷം

2009-03-16T13:18:00.000-07:00

ചിതലരിച്ച മസ്തകതാളുകളില്‍
ചന്ദനതിരിയുടെ മണം
ചളിതേച്ച മനസ്സിന്
പേറ്റുനോവ്.
ആറ്റുനോറ്റുണ്ടായ ചിന്തയ്ക്കു
ഗര്‍ഭത്തില്‍ തന്നെ മരണം
ദര്‍ഭപുല്ലുകൊണ്ടൊരു ബലിതര്‍പ്പണം
കൈകൊട്ടിവിളിച്ച കാക്കകള്‍
വന്നതേയില്ല...
മോക്ഷം കിട്ടാതലയുന്ന
ചിന്തയെ വഴികളില്‍
അര്‍ദ്ധവേഷത്തിന്റെ വിടവുകളില്‍
തുളുമ്പുന്ന മാര്‍ദ്ദവങ്ങളില്‍
തുണിയഴിച്ചാടും സിനിമാക്കളങ്ങളില്‍
വാടകയ്ക്കെടുത്ത പരിഷ്ക്കാരങ്ങളില്‍
നുരപതയുന്ന ചില്ലുഗ്ലാസ്സില്‍
അതിലുറയുന്ന ചടുലതാളത്തില്‍
അന്നം മുടക്കിയ വയലുകളില്‍
അന്നപൂരണ്ണേശ്വരി കാവുകളില്‍
കല്ലുകള്‍ പൂക്കുന്നിടങ്ങളില്‍
ദേവന്റെ കല്ലുകള്‍ കാശുവാ‍രുന്നിടങ്ങളില്‍
പവിത്ര ചാരിത്രങ്ങള്‍ കൊത്തിപ്പറീക്കുന്ന
സി ഡി കഴുകന്റെ ചോരക്കണ്ണീല്‍
കപടക്കുളങ്ങളില്‍ നീരാടി വീറോടെ
പോരാളിയേ പോ‍ലെ നില്‍പ്പുകണ്ടോ
കാക്കകള്‍ വന്നില്ല എന്നാലും
മോക്ഷമതു കടാക്ഷമായ് വന്നിരുന്നു
മോക്ഷത്തിനായ് വേണ്ടി മറ്റൊരു തീരത്ത്
എള്ളും പൂവും തിരിയിലയും വച്ച്
കാത്തിരുന്നഞാനെത്ര വിഡ്ഡി.