ബാക്കിയാക്കേണ്ടത്..?

ഞാനും ഇടവഴിയിലെവിടെയോ
അവസാനിക്കേണ്ടവൻ .
നടവഴിയിലെന്തെങ്കിലും ബാക്കിയാക്കാതെ-
പിന്നിലുള്ളവർ എന്തു വിചാരിക്കുമെന്ന്
വിചാരിക്കുന്നവൻ.

പാടവും തോപ്പും പണയം കൊടുത്താധാരത്തിന്റെ
കോപ്പിയും പോക്കറ്റിലിട്ട്-
ഒരു കയറിൽ തൂങ്ങാൻ ഒരുമ്പെടുമ്പോൾ .
കയറും കൂടെ വെട്ടിപ്പിടിക്കാൻ  ആർത്തികാട്ടുന്നവർക്ക്
ഞാൻ എന്തു ബാക്കിയാക്കും..?

അണ പൊട്ടി ഒരു പ്രളയം കാത്തിരിക്കുന്നവൻ
പൊട്ടിയൊലിക്കുന്ന  തടയണയുടെ . കെട്ടുകല്ലുകൾ
പെറുക്കിയെടുത്ത്  വീടൂപണിയുടെ കാശുലാഭിക്കനൊരുക്കം
കൂട്ടൂമ്പോൾ.  .
ഞാൻ ബാക്കിനിർത്താനുദ്ദേശിച്ച  ചിന്തയും
വികാരവും  എന്നെ നോക്കി കൊഞ്ഞണം കുത്തുന്നു.